Hesabın silinməsi
Son yenilənmə: 12 noyabr 2026
Bu səhifə EFUTBOLAZ (veb sayt efutbolaz.com və Google Play-dəki Android tətbiqi, developer: SulhTechnology) hesabının və ona bağlı məlumatların necə silindiyini izah edir.
1. Tətbiqdə və ya saytda özün sil
- Hesabına daxil ol (tətbiqdə və ya efutbolaz.com).
- Profil → Parametrlər səhifəsini aç.
- Ən aşağıda «Hesabı sil» bölməsində istifadəçi adını yaz və «Hesabı birdəfəlik sil» düyməsini bas.
Hesab dərhal silinir və bütün cihazlarda sessiyalar bağlanır.
2. Daxil ola bilmirsənsə — email ilə
Qeydiyyatda olan emailindən [email protected] ünvanına «Hesabın silinməsi» mövzusu ilə yaz və istifadəçi adını göstər. Kimliyini yoxladıqdan sonra hesab ən geci 30 gün ərzində silinir və sənə cavab yazırıq.
3. Nə silinir
- email ünvanı, şifrə (hash) və Google hesabı bağlantısı;
- profil: istifadəçi adı, eFootball ID, sevimli klub, klan üzvlüyü, avatar;
- şəxsi yazışmalar (hər iki tərəf üçün) və qrup/kanal mesajlarının mətni, şəkilləri, səsli mesajları;
- hekayələr, bildirişlər, reaksiyalar, oxunma işarələri;
- giriş sessiyaları, cihaz qeydləri və push bildiriş abunəlikləri.
4. Nə qalır
- keçmiş turnirlərdəki oyun nəticələri və cədvəllər — digər oyunçuların nəticələri pozulmasın deyə anonim şəkildə («silinib_N» adı ilə), şəxsi məlumat olmadan qalır;
- server loqları (IP ünvanı, sorğu vaxtı) hostinq xidmətində qısa müddət saxlanılır və avtomatik silinir.
Bax: Gizlilik siyasəti · Əlaqə